სარეგისტრაციო პირობები და საინფორმაციო წერილი

საქართველოს ინტერვენციულ კარდიოლოგთა ასოციაციის (GAIC) IV საერთაშორისო კონგრესი

რეგისტრაციის გავლისას თქვენ ავტომატურად ეთანხმებით ქვემოთ მოყვანილ წესებსა და პირობებს:

1. ძირითადი სარეგისტრაციო წესები და დასწრება

• აუცილებელი წინაპირობა: კონგრესზე დასწრებისთვის სავალდებულოა წინასწარი ელექტრონული რეგისტრაციის გავლა. კონგრესზე დამსწრეთა რაოდენობა შეზღუდულია და მოიცავს მაქსიმუმ 350 მსმენელს.

• ადგილზე რეგისტრაცია: კონგრესის მიმდინარეობისას, ადგილზე რეგისტრაცია და მონაწილეთა აღრიცხვა იწარმოებს 26 ივნისს, 12:00-დან 13:00 საათამდე, ასევე 27 ივნისს.

• გამოუცხადებლობა: კონგრესზე გამოუცხადებლობის ან არ დასწრების შემთხვევაში, კრედიტქულები არ გაიცემა, ხოლო გადახდილი თანხა დაბრუნებას არ ექვემდებარება.

• სამიზნე აუდიტორია: კონგრესზე დასწრება განკუთვნილია კარდიოლოგების, ინტერვენციული კარდიოლოგების, შესაბამისი პროფილის რეზიდენტებისა და დაინტერესებული სამედიცინო ფაკულტეტის სტუდენტებისთვის. თუ არ მიეკუთვნებით აღნიშნულ კატეგორიებს, რეგისტრაციამდე გთხოვთ დაუკავშირდეთ საორგანიზაციო კომიტეტს (ტელ: 599 50 71 87, ელ. ფოსტა: georgiapcr2018@gmail.com).

2. კრედიტქულები (10-12 CME) და სერტიფიკატი კონგრესზე გათვალისწინებულია 2 ტიპის რეგისტრაცია. კრედიტქულების/პროფესიული და არაკრედიქტულებით, კრედიტქულების/პროფესიული სერტიფიკატის მისაღებად მოქმედებს შემდეგი წესები:

• სწორი მონაცემები: რეგისტრაციისას უმნიშვნელოვანესია ელ. ფოსტის მისამართისა და პირადი ნომრის ზუსტად მითითება. კრედიტქულების მოთხოვნის შემთხვევაში, ყველა ველი უნდა შეივსოს უშეცდომოდ.

• სავალდებულო დასწრება: პროფესიული რეგისტრაციისას/კრედიტქულების მისაღებად აუცილებელია კონგრესს დაესწროთ ორივე დღეს.

• შეფასების ფორმა: სერტიფიკატისა და კრედიტქულების მისაღებად სავალდებულოა უკუკავშირის (შეფასების) კითხვარის შევსება, რომელსაც მიიღებთ ელ. ფოსტაზე ან შეავსებთ ადგილზე ბარ-კოდის დასკანერებით.

• სერტიფიკატები გაიცემა მხოლოდ ელექტრონული ფორმატით, რეგისტრაციისას თქვენ მიერ მითითებულ ელ. ფოსტაზე.

• ვის ენიჭება კრედიტქულა: CME ქულების მოპოვება შეუძლიათ მხოლოდ: კარდიოლოგებს, კარდიოქირურგებს, ინტერვენციულ კარდიოლოგებს ან შესაბამისი სუბ-სპეციალობის რეზიდენტებს.

3. საორგანიზაციო დეტალები

• ლანჩი: კვების სივრცე განთავსებული იქნება მესამე სართულზე, ლანჩ-სიმპოზიუმების ოთახებში. მსმენელები უზრუნველყოფილნი იქნებიან ლანჩბოქსებით, რომლის არჩევაც შესაძლებელია იქვე ადგილზე რეგისტრაციის პროცესში.

• ფოტო/ვიდეო გადაღება: კონგრესის მიმდინარეობისას იწარმოებს ფოტო და ვიდეოგადაღება. შესაბამისად, შესაძლოა უნებლიეთ მოხვდეთ კადრში. თუ გადაღებასთან დაკავშირებით გაქვთ საწინააღმდეგო პოზიცია, გთხოვთ, წინასწარ გვაცნობოთ წერილობით ელ. ფოსტაზე: georgiapcr2018@gmail.com.